عرض مشاركة واحدة
  #1 (permalink)  
قديم 01-15-2008, 10:59 PM
الصورة الرمزية أسعد عاصي

أسعد عاصي


______________

من مواضيعــي إبداعاتــي

أوسمــتي

أسعد عاصي غير متواجد حالياً

الملف الشخصي
رقــــم العضويـــــــــة: 9075
تاريــخ التسجيـــــــل: Nov 2007
الجنــــــــــــــــــــس:
مكان الإقـــــامـــــــة: Germany
مجموع المشاركــات : 4,993  [ ؟ ]
صور الجاليــــــــــــري: 0  [ ؟ ]
النقـاط / قـوة التقـييم: 5322 / 193
مستــوى الســـمعة: أسعد عاصي has a reputation beyond repute أسعد عاصي has a reputation beyond repute أسعد عاصي has a reputation beyond repute أسعد عاصي has a reputation beyond repute أسعد عاصي has a reputation beyond repute أسعد عاصي has a reputation beyond repute أسعد عاصي has a reputation beyond repute أسعد عاصي has a reputation beyond repute أسعد عاصي has a reputation beyond repute أسعد عاصي has a reputation beyond repute أسعد عاصي has a reputation beyond repute
آخــــر تواجـــــــــــد: 01-12-2014 [ 03:18 AM ]
برجي : Scorpio

Icon7 رسالة الى مثقفي غوغل (اخرجوا من هنا)


قبل ما بلش ابدأ بسرد الموضوع في نقطتين بتمنى وبرجو من الكل يركز عليهن

1- ماحدا يمسك نقطة صغيرة بالحديث بيحس انها استفزتو ويرد عليها
وكالعادة يضيع الموضوع ونضيع بالردود الجانبية ,, يحاول يحيط
بالفكرة كلها وبعدين يرد
2- انا ماني معتبر حالي من الطبقة المثقة ابدا ابدا بس
عم احكي عن حالة خلتنا هففففففففففففف

ما بقا نعرف نحكي كلمتين نقاش بالرومات والمنتديات

المهم:

الموضوع كالاتي

تعودنا بالمنتديات والرومات نفتح مواضيع نقاشات ونحكي عن كل انواع المواضيع يلي بتخطر بالبال
بس الي صار انو بيكون في تنين او تلاتة عم يحكو بالموضوع وبيعرفو عن شو عم يحكو ,, والباقي مو عرفانين الخمسة من الطمسة
بس المشكلة انو ما بيرضوها عا حالهن انو يكونو مستمعين ويستفيدو لازم يكونو بنص النقاش ويحكو ويعيطو ويخالفو ويوافقو
طبعا اذا صاحب الروم او عضو مهم بالمنتدى بيكون الموضوع سهل عليهن بيفتحو هالختم وبيبلشو يختمولو صح ومعك حق بلا ما يعرفو شو القصة
و اذا شافو الراس الكبير عم يخالف صاحب الموضوع بالراي بيرووحو للحل الامثل ليجيبو شي يحكو عنو وهوي الغوغل
مثال :
بيكون مفتوح موضوع عن الخلل بالعلاقة بالزوجية وواحد ما عرفان شو بدو يحكي بس لازم ياخد دور مايك ويحكي ويتفهمن او لازم يرد ليثبت انو بيفهم
بيفتح هالغوغل و بيكتب فيه : الخلل بالعلاقة الزوجية و بيكبس انتر
بيطلعلو مثلا .. الملل احد اسباب خلل العلاقة الزوجية
بيمسك مايك وبيضل يعيط تلت ساعات
الملل والملل ولازم نشيل الملل ويلعن ابو الملل
طيب مللتنا يا زلمي حكيلك شغلة تانية
قولو هاد موضوع اجتماعي الكل بيقدر يحكي فيه صغير وكبير

مثال 2 : بينطرح موضوع عن الماركسية والفكر الاشتراكي
بيكون الي عم يحكي مضيع نص عمرو بالكتب والمقالات وما تارك شي مو قريانو ومقارنات بين الفكر الاشتراكي والرأسمالي وطبيعة الدولة الشيوعية والاثار العملية لتطبيق الفكر الاشتراكي في زمننا الحالي و و و...
بيطلع يحكي عن الموضوع او بينزلو بمنتدى بيجي اخونا مثقف الغوغل بيكتب الشيوعية و انتر بيطلعلو موقع اسلام اون لاين مثلا ومكتوب فيه الشيوعي الى النار
وبيفوت الحبيب عالموضوع
الشيوعي كافر الشيوعي زنديق الشيوعي مدمر الامة
لك يا ابني عم نحكي عن فكر اقتصادي وتجربة اقتصادية ومدى توافق البلد مع هالتجربة او اي الافكار الاقتصادية افضل شو جاب الكفر للنص

هي بالنسبة لمثقفي الغوغل يلي ما بيعرفو عن شو عم ينحكى و بيحطو عنوان الموضوع بغوغل وبياخدو فكرة وبيخربو الدنيا وهني مو بكل السيرة واغلب الاحيان بتكون الفكرة غلط
طبعا صاحب الموضوع بيكون رح ينتف حالو خصوصي اذا كان مثقف الغوغل الو اتباع ومريدين بالروم او المنتدى وصارو كلن ينفخو بنفس البوق

بعد فترة من هالشي بيجي مثقف الغوغل بيقول لحالو ليش لاكتفي بالردود لازم انا اطرح المواضيع
هون الله يعيننا
بيفتح هالغوغل بيجيب منو معلومة او موضوع وبيزتو وتعا ناقشو اذا بتقدر
طبعا مارح تقدر لانك انت ماعم تناقشو انت عم تناقش غوغل بكل ما يحويه من اخطاء ومفارقات

طولت شوي بالسرد سامحوني بس العالم عنا عالنت مفكرة غوغل هوي نبع المعرفة
يا جماعة غوغل هوي عبارة عن محرك بحث لا غير ولما بتطلب معلومة هوي ما عندو الذكاء ليجبلك المعلومة الأصح هوي بس بيجبلك المعلومة من الموقع الاشهر
وهالشي الو علاقة بالنشر الاللكتروني يعني الموقع الاهم على غوغل بيكون ترتيبو قبل غيرو بكتير
يعني مثلا انا اذا اشتريت موقع طرب للاغاني و هاد موقع مثلا كتير كتير قوي بشتري الموقع وبحولو من موقع اغاني
لموقع معلومات عامة و بيضل الو نفس الترتيب على غوغل ,, وبحط بالموقع انو : يعيش الفيل الف سنة
الشيوعية اختراع هندي
اكبر حالات اغتصاب في العالم توجد في جزر القمر
ببرج ايفل مبني من الخشب

كل مين رح يبحث على غوغل عن معلومة بتخص الامثلة الي ذكرتها
رح يطلعلو المثال الغلط الي ذكرتو بالبداية لانو موقعي مشهور على غوغل وبيطلع اول شي بنتائج البحث

يعني غوغل من اهم المواقع بالدنيا بس نحنا حولناه لدماغ يفكر عننا بينما فوائده اكتر من هيك بكتير بكتير بس كالعادة
اخترعو السيارة وسيلة نقل نحنا قلبناها للتشفيط
اخترعو الكومبيوتر ليعمل مليون شغلة يسهل حياة البني ادم نحنا قلبناه للشدة وكانسة الالغام
ممكن الواحد يدور بغوغل على معلومة ناقصتو او اسم او شاهد ليكفي فكرة ناقصتو هي اوك
ممكن يكون نسيان بيت شعر وزاكر منو كلمتين ويجيبو
ممكن يحتاج لشغلات او ايات قرانية او فتاوى او او او وبيلاقيها
بس مو يتحول الغوغل للشخص الي بيفكر عننا وعن طريقو نطرح كل افكارنا ومناقشاتنا لانو هالشي بيسبب بالنهاية قصور بالفهم اكتر من القصور الاصلي الموجود
واغلب الاحيان الي جايب ثقافتو نسخ ولصق من غوغل بيفوت بالحيط عند اول سؤال منسألو ياه عن فكرتو او موضوعو

طبعا ناهيك عن انو بيتساوى مع الشخص الي مقضي عمرو بين الكتب عم يدور ويقرا واحيانا لاسباب تانية بيتفوق عليه مو بس بيتساوى معو
مثلا يكون هالشخص مشهور او محبوب او قديم والكل بدو يختملو بختم برافو معك حق

موضوع كمان كتير واسع ولسا في كتير اشيا نحكيها
بانتظار تفاعلكن

وبتمنى ما شوف ولا غوغلي بالموضوع هههههههههه

vshgm hgn lertd y,yg (hov[,h lk ikh)

رد مع اقتباس