عرض مشاركة واحدة
  #3 (permalink)  
قديم 10-29-2007, 02:35 PM
الصورة الرمزية Dr.Beso

Dr.Beso


______________

من مواضيعــي إبداعاتــي

أوسمــتي

Dr.Beso غير متواجد حالياً

الملف الشخصي
رقــــم العضويـــــــــة: 2811
تاريــخ التسجيـــــــل: Jun 2007
الجنــــــــــــــــــــس:
مكان الإقـــــامـــــــة: Where I Can
مجموع المشاركــات : 1,251  [ ؟ ]
صور الجاليــــــــــــري: 0  [ ؟ ]
النقـاط / قـوة التقـييم: 1114 / 74
مستــوى الســـمعة: Dr.Beso has much to be proud of Dr.Beso has much to be proud of Dr.Beso has much to be proud of Dr.Beso has much to be proud of Dr.Beso has much to be proud of Dr.Beso has much to be proud of Dr.Beso has much to be proud of Dr.Beso has much to be proud of Dr.Beso has much to be proud of
آخــــر تواجـــــــــــد: 10-22-2008 [ 05:51 PM ]

Icon1 رد: الأرقام وأسبابها ....


فكرة الموضوع رائعة .. يعني كنت عم فكر أنو هل ممكن أنو يخطر على بالي هيك مووضوع ....بكل الأحوال عجبتني طريقة تفكيرك للموضوع و تحليلك إياه ...

المهم هلأ أنا برأي أنو علماء النفس وضعوا لكل فعل و قول تفكير للإنسان تفسير و تحليل خاص بشخصيته أو حالته النفسية ...
يعني بعتقد الموضوع أكيد في أيلو تفسير معين ..!!!!

النقطة يلي بوجهنا الموضوع تجاها واقعية بالفعل .... اليوم قرأت الموضوع الصبح طبعا أجلت الرد لحتى تتبلور الفكرة عندي فلما حكيت مع رفئاتي بالموضوع قررت أنو أعمل إحصائية بسيطة بين البنات بالصف " حوالي 30 بنت " و أكتشفت عدة شغلات ...
النقطة الأولى :
هلأ يلي بحبو الأعداد الفردية أغلبهم بيتكون شخصيتهم قوية و لكن للأسف هيدي الشخصية فيها نسبة خطأ أنو بيتمادو كتير " يعني أنو شخصية قوية بالغلط مو بالصح "
النقطة التانية :
أنو لمن أسأل حدن عن الأعداد أغلب الأشخاص بيطرقو للأعداد من 1 إلى 10 .. و نسبة بسيطة بيذكروا الأرقام يلي بتتبعهم .. و ما حدن بيكره الرقم 2 " برأي الخاص أنو هادا الرقم بيحمل عدة معاني وأهمها الاشتراك بين شخصين يعني الانسان بطبعو بحب يكون في بحياتو طرف أخر إن كان صديق أو حبيب .. إلخ "
أما الرقم صفر (0) ما حدن جاب سيرتوا بالمرة !!!!! " يمكن لأنو مو زوجي و لا فردي "
النقطة التالتة :
أنو الأشخاص ممكن يتصنفوا حسب الأسباب يلي بتخليهم يحبو رقم و يكرهو أخر ...
1- أشخاص لأسباب بتتعلق بأيام الطفولة .. " وحدة عندها ذكرى مرتبطة بالمدرسة لمن كانت عم تتعلم الأرقام " و وحدة تانية " لأنورقم عيد ميلادها فبتعتبرو رقمها المفضل" ...
2- أشخاص لأسباب اجتماعية .. " وحدة حكتلي بتعتبر الرقم 3 مزعج لأنو الصداقة مع اتنين أحلى من تلاتة " ..
3- أشخاص ما بيرتاحوا لرقم معين أو بيرتاحوا لأخر .. " يعني في وحدة حكتلي رقم 3 بتحسو ثقيل دم " .. أو حسب المزاج ..." يعني تقريبا ما في سبب معين "
4- أشخاص ما بيفرء معهم متل ما ذكرت ..
5- في أشخاص عندها اعتقادات أنو رقم معين بيجيبلهم الحظ ... " في وحدة حكتلي دايما بتفوز لمن بتختار رقم 7 !!!!!!" ....
يعني الموضوع غريب شوي بس هيدي النتيجة يلي طلعت فيها ... يعني مجرد محاولة للبحث ..
عفكرة بعرف طولت الحكي بس ما فيني اختصر ...
الله يعطيك العافية موضوع بالفعل رائع بل و مميز أيضا ...

تقبل فائق احترامي و تقديري ...
رد مع اقتباس