عرض مشاركة واحدة
  #6 (permalink)  
قديم 06-19-2007, 01:23 PM

maya lovely


______________

من مواضيعــي إبداعاتــي

أوسمــتي

maya lovely غير متواجد حالياً

الملف الشخصي
رقــــم العضويـــــــــة: 2645
تاريــخ التسجيـــــــل: Jun 2007
الجنــــــــــــــــــــس:
العــــــــــمـــــــــــــر: 34
مكان الإقـــــامـــــــة: syria-kSA
مجموع المشاركــات : 106  [ ؟ ]
صور الجاليــــــــــــري: 0  [ ؟ ]
النقـاط / قـوة التقـييم: 201 / 44
مستــوى الســـمعة: maya lovely has a spectacular aura about maya lovely has a spectacular aura about maya lovely has a spectacular aura about
آخــــر تواجـــــــــــد: 10-12-2008 [ 02:21 PM ]

رد: أهذا ما أصبحت عليه بلادنا ....العربية!!!!!


متل ما قلتي sun ..بضل سوريا أحسن بس للي عنده شغل,وشغل منيح مو شو ما كان..
بعدين خليتيني أبكي لما قريت شو كاتبةلأنك حطيتي أيدك عالجرح..وخصوصا بموضوع أنو هون بالغربة لو شو ما صرلك ما حدا بيسأل عليك..!!!
أنا دائما بقول للناس أنو أنا أذا متت هون ما حدا رح يعرف و ماحداحيحس..!!! لأنو الناس هون كل مين أيدو ألو...
أنا ما بصدق أمتى أنزل عالشام لأني بكون كتيير مشتاقة حتى لريحة المازوت اللي بشمها أول ما بطلع من باب المطار (صحيح أنو راسي بضل وجعني شي يومين منها)بس بعدين بيمشي الحال,حتى يمكن جسمي بأدمن عليها.....هههههههههه
بس كمان لما بكون لساتني بالمطار, يعني هلأ واصلة لسه..بقوم بنسرق عينك عينك,و بكون اللي سارقني واحد من أمن المطار....!!!! شو بدك قول......
لما بمر شب من جنبي وبكون لسه هلأطلعت من المطار و بلطشني هديك التلطيشة(بتكون كلمة أد راسي)وكأنهم بعمرون مو شايفين بنات...!!! شو بدك قول....
قلتيلي لقيتي تحسن بالهويات......!!! لك بقيت أكتر من سنة بلا هوية,لأنو 3 مرات كتبولي اسم أمي غلط.....شوفوا بقى (يمكن كان أسهلي لو غيرنا اسم الماما وعملتو متل ما بدهم) 1!!!
و شو بدي أحكي لأحكي...طبعا هاد غير الفساد اللي استفحل بالبشر (أي بجي لموت 100 موتة) ولا شوف شعبي وأهل بلدي صاروا بهالمستوى المتدني من الأخلاق....
وخلينا نحكي منطق...أنتي بتقبلي تنزلي تعيشي بالشام كيف ما كان...
أنا من جهتي ما فيي و ما بقدر ....الشغلة كتييير صعبة ...مو سهلة أبدا...
أكيد أنا بتمنى أرجع لبلدي و عيش بين أهلي وأحبابي..و الشام رح تبقى بالنسبة ألي أحلى من كل بلاد العالم...
بس السؤال اللي رح ضل أسألو لحالي..أنو و بعدين..ولأمتى حأبقى متغربة...
حيجي يوم أرجع فيه...ولا رح موت هون.. و أذا رح أرجع ,أمتى...
ويا ترى أذا رجعنا رح نقدر نعيش بالشام و نكون مرتاحين..(وهاد أكتر سؤال بخوفني)

طولت كتييير عليك....بس أنت فتحتيلي جروحاتي..وحسيت أنو معاناتنا واحدة...

و بقول كمان أهلا و سهلا بالكل


التعديل الأخير تم بواسطة : maya lovely بتاريخ 06-19-2007 الساعة 01:49 PM. السبب: عدم ظهور النص
رد مع اقتباس