عرض مشاركة واحدة
  #1 (permalink)  
قديم 06-11-2007, 12:10 AM
الصورة الرمزية Just4Samo

Just4Samo


______________

من مواضيعــي إبداعاتــي

أوسمــتي

Just4Samo غير متواجد حالياً

الملف الشخصي
رقــــم العضويـــــــــة: 495
تاريــخ التسجيـــــــل: Jan 2007
الجنــــــــــــــــــــس:
مكان الإقـــــامـــــــة: syria
مجموع المشاركــات : 987  [ ؟ ]
صور الجاليــــــــــــري: 0  [ ؟ ]
النقـاط / قـوة التقـييم: 141 / 50
مستــوى الســـمعة: Just4Samo will become famous soon enough Just4Samo will become famous soon enough
آخــــر تواجـــــــــــد: 08-01-2009 [ 10:48 PM ]
إرسال رسالة عبر مراسل MSN إلى Just4Samo

زوجة الماضي والحاضر


زوجة الماضي و الحاضر

إليكم هذا الحوار بين (امرأة أيام زمان وزوجها):
الزوج: - مرحبا يامرة... شو عاملتينا عشا اليوم؟
الزوجة: - يه يه يه... تقبر عضامي... إجيت حبيبي؟!! تقبرني شو حركتك خفيفة ومابتزعج حدا...
لك حلّت البركة على أرض الديار يا روحي...
طابختلك حرّاااأ بإصبعو ويالنجي وكبة لبنية تقبشني...
الزوج: - يا الله يالله بلا كتر غلبة، قومي حطي الأكل قومي..
الزوجة: - لك إي مو تكرم ابن عمي... مو تكرم... لك من هالعين هَي قبل هَي...
الزوج: - ناموا الولاد؟
الزوجة من المطبخ: - ناموا حبيبي ناموا على عشية،
الزوج بعد أن يرى أصناف المائدة أمامه:
إيييييييييييييييييييييييه.. باين السهرة رح تحلى اليوم... يمضغ اللقمة الأولى ويقول: - ممممممممممممم طيبة هالكبة طيبة!!!
الزوجة رافعة يدييها للسماء: - لك روح... ربي مولايي يبيضلك أيامك ويبعد عنك ولادين الحرام يا حق..
ينهي الزوج طعامه قائلاً: - الحمد لله...
الزوجة: - عجبك الأكل يا عمري...
الزوج: - إي والله... تسلم إيديكي... تعبتك معي..
>>الزوجة مرتبكة من الفرح: - عجبك الأكل؟؟!... لك تطلع على قبري شو إنّك هني وبتعرف تحكي
لك تكفنّي بإيديك على هالكلام الحلو يا حق
بعدين شو تعبتني وما تعبتني ليش أنا عندي غيرك بالدنيا يا حبيبي؟!!،
لك تشكل آسي يا حق...
الزوج وهو ينشّف يديه بعد غسلها: - جاهز الحمام يا مرة ؟؟
الزوجة بخجل... وبابتسامتها الحلوة : - ولَو تقبشني... ولَو!!!
وحطيطيلك صابونة غار من يللي جابتهم أمك تقبرني...


وإليكم هذا الحوار بين (امرأة اليوم وزوجها):



الزوج: - مرحبا يا حلوة... شو عاملتينا عشا اليوم؟
الزوجة ملتفتة إليه وبيدها جريدة: - شو إيمتى جيت؟؟ مبكّر مو على عادتك ...
على كلٍ عملتلك مجدرة برغل وعدس...

شو بدي اطبخلك يعني مومبارح أكلت لحمة بالصينية؟؟...
الزوج: - يا الله تقبشيني، قومي حطيلنا الأكل لناكل..
الزوجة: - ليكو الأكل عندك بالمطبخ شو كمان بدي جبلك الأكل لحد عندك؟!
الزوج باتجاهه إلى المطبخ: - ناموا الولاد على حد علمك؟
الزوجة: إي شو نيّمهم هلق وبكرة عندهم عطلة؟؟؟ ...
الزوج يحدث نفسه من المطبخ: العمى شو هالمجدرة؟؟!!!!!...
يمضغ اللقمة الأولى ويقول: - إي والله كأني عم آكل بحص مو برغل!!!
الزوجة : - شو عم تبَربر يا رجال؟؟
ينهي الزوج طعامه قائلاً: آ...؟؟ مو شي حبيبتي... موشي...
الزوجة: - عجبك الأكل؟
الزوج بإحباط: - إي طبعاً طبعاً... تسلم إيديكي...
الزوجة بتأفف: - معناها كل يوم بعملك منها إذا حبيت...
الزوج وهو ينشّف يديه: جاهز الحمام يا ترى؟؟
الزوجة ترمي الجريدة أرضاً صارخة في وجهه: - العمى على هالقصة...
طبختِ يامرة؟... ناموا الولاد يامرة؟...جاهز الحمام يا مرة؟... إي شو
أنا ما عندي شغل غيرك بقا

.,[m hglhqd ,hgphqv

رد مع اقتباس