عرض مشاركة واحدة
  #4 (permalink)  
قديم 12-01-2006, 01:49 PM
الصورة الرمزية Hummer1985

Hummer1985


______________

من مواضيعــي إبداعاتــي

أوسمــتي

Hummer1985 غير متواجد حالياً

الملف الشخصي
رقــــم العضويـــــــــة: 273
تاريــخ التسجيـــــــل: Dec 2006
الجنــــــــــــــــــــس:
العــــــــــمـــــــــــــر: 32
مكان الإقـــــامـــــــة: اللاذقية
مجموع المشاركــات : 188  [ ؟ ]
صور الجاليــــــــــــري: 0  [ ؟ ]
النقـاط / قـوة التقـييم: 159 / 45
مستــوى الســـمعة: Hummer1985 has a spectacular aura about Hummer1985 has a spectacular aura about
آخــــر تواجـــــــــــد: 11-28-2008 [ 10:02 AM ]
إرسال رسالة عبر مراسل MSN إلى Hummer1985 إرسال رسالة عبر مراسل Yahoo إلى Hummer1985

يسعدلي اوقاتكون كلكون
رح احكيلكون كم قصة صارت معي ايام الجامعة اولا لانو هي يللي متذكرا تقريبا
و عفكرة انا ما صرلي زمان متخرج من كلية التجارة
مرة من المرات سمعنا انو في عنا مادة بدون يغيرو المعيد يللي بيعطي العملي فيا
توقعنا انو ممكن يجيبو شي واحد ختيار او وحدة ختيارة
المهم كانت عننا محاضرة المادة الساعة 12 و قبلا ما كان عننا محاضرات و عأساس انو جايبين معيدة جديدة لتعطينا العملي بهالمادة
انا ما اخدت و لا عطيت بالموضوع كتير
قبل المحاضرة بشي ساعة اجيت عالجامعة
المهم واقف لحالي وللا مرت بنت بتجنن عقد مو حلوة و اول مرة بشوفا قلت لحالي اكيد هي شي وحدة جديدة منقولة عالجامعة بالفصل التاني او ممكن رسبانة
قلت لحالي و الله بدي كون السباق للحدث
بس لا تفكروني هيك و هيك بس متلي متل اي شب و الله جميل و يحب الجمال
رحت و صرت بدي حجة لاحكي معا
المهم لاقيت حجة اني حكيا و فوت بالموضوع معا
اخدت و عطت معي و حكينا و مدري شو
بعدين سألتني شو رأيك بالجامعة و بالدكاترة و بالمعيدين
قلتلا اوف اوف اوف كلون جدبان و هبلان و ختايرة و بشعين و معقدين و شايفين حالون و لسا عميد الكلية اضرب و اضرب مفكر حالو عميد جامعة السوربون و المعيدات هون كل وحدة وشا بيقطع الرزقو بتشبه شرشبيل و كملت حديثي و قلتلا انو اليوم ال بدون يجيبو معيدة جديدة بدا تكون متل غيرا اكيد بدو يكون نضاراتا سماك و شعرا مكنفش و معقدة و مجنونة و جدبة
ضحكت و سكتت بعدين قالتلي اوكي عن اذنك و فرصة سعيدة انا لازم روح عندي شغل
قلتلا بشوفك هون قالتلي اي اكيد عطول
حملت حالي و رحت عالمحاضرة و انا ناطر المعيدة الجديدة لاضحك عليا شوي
وللا ما شفت غير عميد الكلية فايت مع البنت يللي كنت عم احكي معا و عم يعرفنا عليا انو هي المعيدة الجديدة
انا هون اصفريت و احمريت و اخضريت الله لا يورجيكون
بس طلعت كتير اكابر و لهأ مع اني تخرجت بس بعدنا منتعامل كأنو اصدقاء و لهلأ لسا في سلامات بيناتنا
و هي القصة بلا طول سيرة

رد مع اقتباس