عرض مشاركة واحدة
  #1 (permalink)  
قديم 02-15-2007, 05:52 PM
الصورة الرمزية Mero

Mero


______________

من مواضيعــي إبداعاتــي

أوسمــتي

Mero غير متواجد حالياً

الملف الشخصي
رقــــم العضويـــــــــة: 25
تاريــخ التسجيـــــــل: Oct 2006
الجنــــــــــــــــــــس:
العــــــــــمـــــــــــــر: 29
مكان الإقـــــامـــــــة: فلسطين
مجموع المشاركــات : 325  [ ؟ ]
صور الجاليــــــــــــري: 0  [ ؟ ]
النقـاط / قـوة التقـييم: 54 / 46
مستــوى الســـمعة: Mero will become famous soon enough
آخــــر تواجـــــــــــد: 06-11-2007 [ 12:35 PM ]
إرسال رسالة عبر مراسل ICQ إلى Mero إرسال رسالة عبر مراسل AIM إلى Mero إرسال رسالة عبر مراسل MSN إلى Mero إرسال رسالة عبر مراسل Yahoo إلى Mero

لما يرن جرس التنفس بالمدرسه


لما يرن جرس التنفس بالمدرسة
ملاحظة : هذا المقال سبق ان نشره المخلوق قبل اكثر من عامين ونكرره اعتمادا على المراحل التي يمر بها الطلاب .
مرحبا للجميع كيف الحال والحال كيف .. بتعرفوا الربيع قرب وبدو يجي الصيف .. بدكم تعرفو شو بعملو البنات والشباب في المدارس اذا رن جرس الفسحة .. والصراحة بدهاش الامور تفكير , لانه مبين الوضع صار خطير ..


خلوني ابدا بالبنات .. اول ما يرن جرس التنفس الي هو جرس الراحة الي هو الجرس الي بعد الدرس الثالث .. بتشوفو شلة بنات داخلين الحمام يوخذوا دش ههههه قصدي يزبطوا شعرهن ويعدلو الماكياج .. وحدة منهم بتقعد تخرف عن اخوها الزغير والثانية عن جارهم والثالثة عن ابن صفها الي شاعرة انه بلمحلها بحواجبه انه بحبها , والله وصار للحواجب واجب ..


كل وحدة بتجيب معها شنطة مليانة اكل وشوكلاطة , واذا عزمت عليها صاحبتها بيسلي او بمبا , بتصير تقول "لا شكرا شكرا عاملة ريجيم لا عنجد شكرا " وعاد اول ما تنفرد بالشنطة ما بتخلي فيها اشي وبجوز توكل الكتب من الجوع..


وفي بنات قال يعني هذول الذكيات الي عاملات حالهن بنات المستقبل , بتلاقيهن هاجمات على غرفة المعلمين بدهن الاستاذ يشرحلهن الدرس مليح وعاد الاستاذ نفسه ما بكون فاهم اشي وبفرجيهن انه مبسوط منهن لانهم جايات على غرفة المعلمين يشرحلهن وهو عاد بعقله بكون يقول وينتا بدي اشفط هالسيجارة عاد ...


في بعض البنات بتشوفوهين قاعدات عن الدربزين تبع الدرج وقال قاعدات بحلين رياضيات , وخايفات المستقبل يهرب او رقم 9 ينحذف من العداد فبدهن يلحقن حالهن ..


والاهم من هيك بتشوف بعض البنات الي بستاذنوا من الاستاذ او المعلمة قبل التنفس بـ 3 دقايق يروحو على الحمام , بس ولا بروحو على حمام ولا على شمام .. بتلاقيهن بركضو على الكافتيريا يشترو اكل , ولما يطلعو طلاب المدرسة كلهم بفترة التنفس بعد الحصة الثالثة ما بلاقو بيتات , بلاقو بس كولا ومشروبات ..


واجا دور الشباب ..


بتلاقي الي نايم طووووووول الدرس واول ما يرن الجرس يدعي على اليوم الي فات فيه على المدرسة لانه حلمه انقطع بسببهم ..


وثنين من الطلاب قاعدين براقبو بالمدير وبستنوا فيه يروح من قودام صفهم , خليهم يحملو الشنطات وينطو عن الجدار ويهربوا من المدرسة .. يروحوا يوكلوا حمص وبعدها بساعة يرجعوا ..


وشلة بتروح ورا المدرسة خليهم يدخنوا , وما بشفطوا اول شفطة الا واحد فاسد عليهم , وهوب اجاهم المدير كبسة , اخذهم كلهم وقعدهم عند باب غرفته واتصل باهاليهم واحد واحد ..


وتلاقي واحد جاعص على المقعد بالساحة ومستني حبيبة قلبو تمرق عنه عشان يشوفها , بضحكلها وبتضحكلو .. وقال الاشي الادهى من هيك صحابه بشوفوها قبله , وبصيروا ياشرولو اجت اجت .. قال يعني زي الي كاتب كتابه عليها .. او يعني مجهز حاله خليه يبدا يرخي بمشاعره ..





تشاو بعلبة كاكاو

glh dvk [vs hgjkts fhgl]vsi

رد مع اقتباس