عرض مشاركة واحدة
  #1 (permalink)  
قديم 02-08-2010, 03:07 PM
الصورة الرمزية زينبو

زينبو


______________

من مواضيعــي إبداعاتــي

أوسمــتي

زينبو غير متواجد حالياً

الملف الشخصي
رقــــم العضويـــــــــة: 23719
تاريــخ التسجيـــــــل: Aug 2009
الجنــــــــــــــــــــس:
مكان الإقـــــامـــــــة: ksa
مجموع المشاركــات : 108  [ ؟ ]
صور الجاليــــــــــــري: 0  [ ؟ ]
النقـاط / قـوة التقـييم: 404 / 41
مستــوى الســـمعة: زينبو is just really nice زينبو is just really nice زينبو is just really nice زينبو is just really nice زينبو is just really nice
آخــــر تواجـــــــــــد: 07-10-2012 [ 05:14 PM ]

مذكرات سعودي لا يزال أعمى



كاتب رائع الروح و الاسلوب .. و حياة لم نتخيل تفاصيلها
و مواقف مضحكة لفرط ألمها ..
لنبحر في عالمهم مع مذكرات " ابو النور " المبصر بقلبه و عقله
~~ أعجبني فأحببت ان أتقاسمه معكم ~~
بسم الله الرحمن الرحيم

( أَفَلَا يَنْظُرُونَ إِلَى الْإِبِلِ كَيْفَ خُلِقَتْ وَإِلَى السَّمَاءِ كَيْفَ رُفِعَتْ وَإِلَى الْجِبَالِ كَيْفَ نُصِبَتْ وَإِلَى الْأَرْضِ كَيْفَ سُطِحَتْ )


مذكرات سعودي لا يزال أعمى

إهداء

في البداية أشكر كل من شجعني على كتابة مذكراتي وأشكر زوجتي العزيزة نور على توليها مهمة السماع والتدوين , واحيي كل من يقرأ مذكراتي وأقول لهم أنار الله بصركم وبصيرتكم ولا حرمكم نعمه عليكم , كما أشكر منتديات غرابيل وعلى رأسها أبوعبدالرحمن على احتضانها لهذه المذكرات ..


المقدمة :

في كل صباح ومع استرسال خيوط الشمس الذهبية على وريقات أشجار التوت الخضراء , ومع ظهور الشفق الأحمر قبيل بزوغ شمس الصباح المشرقة بنورها ...
على فكره يعني أيش ذهبي ووش يعني أخضر وأحمر والمصيبة وش هو النور .. ووش يقرب لمحمد نور وليه كل شي له نور حتى السيارات والشوارع والمدن والبيوت والنار والنجوم والقمر والتلفزيون والكمبيوتر كل شي عنده نور وأنا بعد عندي نور زوجتي ..
تصدقون ؟ هذي الأشياء ( النور واللون ) أبي اعرف وش هي وأكثر منها أبي أعرف وش هو اللون الأسود اللي الناس تتهمني أني أشوفه إذا عرفت الأسود يمكن أقدر أعرف باقي الألوان ويمكن أفهم كثير من البدايات الملونة في جميع ما قرأت من روايات وقصص ..
وقبل هذا كله فهموني يعني أيش لون الله يلون حياتكم بالسعادة , هذي الدعوة سمعتها من واحد وحطيت لون جديد مع الالوان اسمه السعادة ومره حطيت اللون الشعبي لأني سمعتها في القناة الاولى
ويافشيلتي قدام العربان ما طلعت من قائمة الالوان ..


***


وأنا صغير قال لي أبوي لا تطلع من البيت لا تصدمك سيارة قلت له طيب أخواني ليه ما تصدمهم السيارة قال : أخوانك يشوفون ويبعدون عن السيارات أنت ما تشوف وأخاف عليك من يومها عرفت حاجتين كلها خطأ الأولى: أني إنسان ناقص وأعاقب بالجلوس في البيت بسبب نقصي وبسبب غلطة ارتكبتها والثانية إن السيارات تمشي بالشوارع على عماها و سواقين السيارات يحركونها داخل كبينة مغلقة والناس في الشوارع بس يهربون من السيارات لاتدعسهم .. ومن يومها أودع اخواني عند باب البيت وأقول لهم انتبهوا من العميان سواقين السيارات تراهم مايشوفون وبيتوطونكم مثل ما اتوطى أختي الرضيعة مرة كل ثلاث أيام ...
تصدقون ؟ جاني هاجس من شئ اسمه سيارة تمشي على عماها بالشوارع وإذا ركبت مع أبوي أقول له تكفى لاتدعس احد وهو يقول لي لاتخاف أنا ما ني اعمى ..

في مذكراتي حاولت أني أقسمها مابين طفولتي وأصدقائي المفتحين وأصدقائي المقفلين وصديقي الصدوق اللي كان مفتح وصار مغلق باختياره فقد اختار العمى بمحض إرادته على أن يعيش وسط هذا المجتمع وهو ضعيف البصر بشكل كبير , كذلك سوف احدثكم عن زواجي ومواهبي وقصص حصلت لي في دراستي أو مجال عملي في ( الرسم الهندسي ) على فكرة مره مسكت قلم وورقة وقال لي صديقي أرسم أي شي قلت واللي خلقك ماشفت بحياتي شئ عشان أقلده وبعدين أنا اخاف تطلع رسمتي زينه واموت قهر لاني ماني قادر أشوفها ..
وعلى طاري الزين مره سمعت واحد يقول عن حرمة عيونها حلوة والله أنقهرت الحين تشوف وعيونها زينه شكلي صكيتها بـ ( عين ) ورحت أسال واقول انا عيوني زينه يا عالم ؟
مهي بذي اللي خربانه عندي عساها ما جمعت حشفاً وسوء كيلة
وأبشركم يقولون أن عيوني عسلية... وياقهري من هالالوان ...
كذلك بسولف لكم عن جيراني وبستمر في كتابة رواياتي بمنتديات غرابيل إلى أن تصل لمرحلة إصدار كتاب وسوف اعمل منه
نسختين للمكفوفين وللمتنورين .

وإلى الفصل الأول

l`;vhj su,]d gh d.hg Huln Hygn

رد مع اقتباس