عرض مشاركة واحدة
  #1 (permalink)  
قديم 06-26-2009, 03:45 PM
الصورة الرمزية zezo zkaria

zezo zkaria


______________

من مواضيعــي إبداعاتــي

أوسمــتي

zezo zkaria غير متواجد حالياً

الملف الشخصي
رقــــم العضويـــــــــة: 19902
تاريــخ التسجيـــــــل: Jan 2009
الجنــــــــــــــــــــس:
مكان الإقـــــامـــــــة: القاهرة / مصر العربية
مجموع المشاركــات : 139  [ ؟ ]
صور الجاليــــــــــــري: 0  [ ؟ ]
النقـاط / قـوة التقـييم: 428 / 43
مستــوى الســـمعة: zezo zkaria is just really nice zezo zkaria is just really nice zezo zkaria is just really nice zezo zkaria is just really nice zezo zkaria is just really nice
آخــــر تواجـــــــــــد: 09-05-2013 [ 09:49 PM ]
My Facebook برجي : Leo

شحاته وشحتوت وقرار أعدام الخنازير


شحاته وشحتوت

وقرار أعدام الخنازير

فى المكان المفضل لهما تحت الكوبرى جلسا يدردشان فى أمور الدنيا ومشاكل
الشعب الصامد الأبى المستظل بالكوبرى
شحاته : سمعت ياشحتوت يا خويا على أللى بيتقال عن أنفلونزا الخنازير
شحتوت : سمعت ..حتى الجماعة فى البيت قلقانين منها قوى
شحاته: النصيبه أن أحنا شايفين الخطر ومش عارفين نعمل حاجة كل أللى أحنا قدرنا عليه أن أحنا سنقوم بأعدام الخنازير أللى فى البلد تفتكر ده كفايه
> طبعا حرام يعدموا الخنازير المصريه البريئه ..يعنى يعملوها الخنازير الأمريكانى والمكسيكى والأسرائيلى ويدفع ثمنها الخنازيرالمصريه..ماخلاص أللى حصل حصل والفيروس أتكون ومش محتاج الخنازير فى حاجة ..الكلام ده جه متأخرقوى ومالوش أى قيمه غير خسائر ودفع تعويضات للسادة مربيين الخنازير
> يعنى أنت مش مع قرار أعدام الخنازير
> ياشحاته ياخويا معروف أن الخنازير بتنقل أكتر من 30 مرض وبالرغم من ذلك الحكومه تركت الزبالين يربوا الخنازير على مقالب الزباله تحت سمعها وبصرها فى داخل المدن الكبرى ولم تأخذ أى أجراء ضدهم وتكاثروا وتوالدوا حتى أصبح قطيع ضخم يضم 350 ألف خنزير وخنزيره ..أشمعنى يعنى لما أنتشر
مرض جنون البقر والحمى القلعيه لم تقم الحكومه بأعدام البقر والجاموس رغم أنهم يعتبروا من الأمراض التى تهدد صحة الأنسان
> أفهم من كده أن أنفلونزا الخنازير حتوصل عندنا بعد ما نعدم ال350 ألف خنزير وخنزيره
> أيوه طبعا لأن الفايروس بيتنقل دلوقتى من الأنسان للأنسان يعنى كفايه أن واحد أجنبى أو حتى مصرى أو سايح جاى من بره ويكح له كحتين ويعطس له عطستين فى أتوبيس أو سينما أو مدرسه وعينك ماتشوف ألا النور ونخش فى دوامة الدول المحظورة والموبؤة بالمرض
> يانهار أبيض يبقى كملت ياصاحبى هو أحنا كنا خلاصنا من أنفلونزا الطيور لما تطلع أنفلونزا الخنازير
> طب أيه رأيك ياعم أن أنفلونزا الخنازير موجوده أصلا عندنا حتقولى أزاى
> أزاى ومنكم نستفيد
> بالعقل والمنطق مش بيقولوا أن الفيروس ده مندمج بين أنفلونز البنى آدمين وأنفلونزا الطيور والخنازير وأحنا ياعم عندنا الثلاثه موجودين فراخ وخنازير وبنى أدمين
> بس أحنا لم يظهر عندنا أى حالة كتقارير وزارة الصحة والسكان
> ياعم قول ياباسط ..ماهو فيه عالم كتير بتموت فى الحميات وفى البلاد بعد نزلة برد حادة وبنعتبرها حاجة عاديه جدا وبنقول عليها موتة ربنا وفيه ناس بتصاب بالمرض وياخد كام يوم فى السرير ويقوم زى القرد أنما بره عندهم البنى أدم غالى شويه عن عندنا والمستشفيات محترمه بتحلل وبتعرف نوع الفيروس وتعطى له الدواء المناسب عشان كده بيكتشفوا المرض
> على رأيك طب ماكان زمان ولحد دلوقتى كنا بنسمع عن الشوطه أللى كانت بتيجى للفراخ وكان شيئ عادى والناس بتربى الفراخ وفيه مزارع كتير جالها الشوطه وكان أصحاب المزرعة يقوموا عليها بالسكاكين وأدبح يا جدع وكل بالهنا والشفا يامواطن لحد ماظهرت حكاية أنفلونزا الطيور
> يعنى أنت مش خايف من أنفلونزا الخنازير
> لأ مش خايف فعندنا جميع أنواع الفيروسات والحمد لله.. بس من نعمة ربنا علينا أن الجو بتاعنا دافى طول السنه ومولع فى الصيف والفيروسات دى بتحب الجو الرطب والصاقع
> من الآخر أنت مع أعدام الخنازير ولا لأ
> أنا ضد أعدام الخنازير أنما مع الرأى أللى بيقول يتم نقل هذه المزارع خارج القاهرة والمدن الكبرى وكمان على حساب أصحابها ومن لم ينفذ تعدم خنازيره فورا وبدون أى تعويض وذنبه على جنبه
> وبعدين يا أخى أن مربيين الخنازير لايتكلفوا مليم واحد فى تربيتها فهى تتغذى على زبالة شعب مصر الكريم يعنى صاحبها بيكسب من الهوا الطاير وكفايه كده عليه
> أيش قولتك ..فالخنازير لا تمثل أى أهميه فى غذاء المواطن المصرى لأن معظم الشعب المصرى من المسلمين وأعرف الكثير من الأخوة المسيحيين لا يأكلوا لحم الخنزير ..حتقولى تصدير ..حقولك لسنا من الدول التى تصدرخنازير وكفايه الخنازير بتاعة بلاد بره ماليه الدنيا
> سمعت آخر نكته .. بعد قرار أعدام الخنازير..واحد صاحبنا عنده عربيه خنزيره كتب عليها سيات (خنزيره سابقا ) هههههههه
> حلوه ياشحتوت ..ياريت بالمرة يشمل قرار الأعدام الخنازير أللى بالى بالك

فلتسقط الخنازير ولتحيا الأخوة والجدعنه

هههههههه

aphji ,apj,j ,rvhv Hu]hl hgokh.dv

رد مع اقتباس