عرض مشاركة واحدة
  #4 (permalink)  
قديم 02-04-2009, 12:23 AM
الصورة الرمزية دمعة صمت

دمعة صمت


______________

من مواضيعــي إبداعاتــي

أوسمــتي

دمعة صمت غير متواجد حالياً

الملف الشخصي
رقــــم العضويـــــــــة: 16001
تاريــخ التسجيـــــــل: Jul 2008
الجنــــــــــــــــــــس:
العــــــــــمـــــــــــــر: 27
مكان الإقـــــامـــــــة: بعآلـم السكونـ .. حيث لآ مكآن لبشر !
مجموع المشاركــات : 378  [ ؟ ]
صور الجاليــــــــــــري: 0  [ ؟ ]
النقـاط / قـوة التقـييم: 4599 / 129
مستــوى الســـمعة: دمعة صمت has a reputation beyond repute دمعة صمت has a reputation beyond repute دمعة صمت has a reputation beyond repute دمعة صمت has a reputation beyond repute دمعة صمت has a reputation beyond repute دمعة صمت has a reputation beyond repute دمعة صمت has a reputation beyond repute دمعة صمت has a reputation beyond repute دمعة صمت has a reputation beyond repute دمعة صمت has a reputation beyond repute دمعة صمت has a reputation beyond repute
آخــــر تواجـــــــــــد: 08-31-2010 [ 11:54 PM ]

رد: اللغة العربية ،،، هل انتهت !!؟


فعلا معك حق أخي رامي
صارت اللغة العربيه شي عيب نحكيي
متلا رح احكيلك انا عن الواقع الي بنعيشه حالياً
بالاول انا من عرب ال48 فلسطينيو الداخل او ما تسمى " اسرائيل"
عنا اختلاط غريب (يهود وعرب) وطبها اليهود لغتهم عبرية والعرب عربيه
بس والله وعم بحلف بالله انه مرات شوف ناس عرب بتحكي عبري بفكرهم يهود
ومش لسبب تحكي عبري بس هيك (شوفة حال ورقي متل ما يسموها )
وخلينا نكون اقرب ولاد عمتي وولاد عمي ازا بحكي كلمة عربيه
متلا( جهاز تحكم التلفزيون ) يصيروا يحكولي (يا خسارة عم بتحكي عربي !! ) ويجيبوها بطريقة تمسخر

وخلينا اقرب واقرب انا عني نفسي في مصطلحات كتيره بحكيها بالعبري
مرات بسأل الي بجنبي يعني الاهل والاقارب شو يعني هالكلمة بالعربي الكل بيتطلع ع بعض (ما بنعرف !) او انه حدن يحكيلي بديل الها او تبسيط لالها ..

في كتير كلام ما اعرف شو اسمو بالعربي واتعود لساني ع العبري
واول دخولي للنت لما صرت احكي مع بنات من دول عربيه كنت اقعد وقت كتير حتى اجيب كلمة عربيه
حتى تفهمني البنت الي بتحكي معي !
ومرات كنت بقول الكلمة بالعبري وصاحبتي تسألني شو يعني اقولها ما بعرف واقعد ابسط الها الكلمة واحطها بجملة
والله ما بزل عليكم ... هادا الي يصير معي وبصراحة
بس انه انا احكي عبري فقط للرقي وشوفة الحال طبعا لأ ..... والعياذ بالله من شوفة الحال

وع فكره في كتير ناس عنا محترمه ومحافظة طلعوا منشورات ضد هالشي
واعطونا كلمات عبرية نستخدمها دايما ومقابلها معاني عربيه بس عنا الشباب لما يشوفوا هالمنشور يصيروا يضحكوا !!
وصراحة ما حدا اتبع هالشي يمكن قلائل والله اعلم
........

رح احكيلكم شغله هي صارت بيني وبين اخي
خيا الكبير اشترى تياب وايجا يفرجيني اياهن علشان اعطيي رأيي فيهن
قلتلوا البنطلون كتير رائع
حكالي شو !!
رائع
والله متقدمه الامور عندك وصار بيضحك ههههههه
قال شو هاي رائع قولي "حلو " او "يفي ميؤد " هاي كلمة عبريه
يعني انا بهالموقف شو بدي اعمل !!



طيب وشو كمان نحنا عيلة محافظة ومش كل كلامنا عبري
بنات صفي كان تقريبا نص كلامهم عبري
ولما ولاد صفي وبنات صفي يحكوا مع بعض يصيروا يحكوا عبري للتباهي بس
حتى الاغاني عبريه
بتذكر بنت صفي ما كانت تقدر تدرس الا على الاغاني العبريه !!
وتحكيلي شو هادا عربي ! الظاهر لساتك من زمن جدي وجدتي .............

كتير عنا متل هالشغلات
والله اللغة العربية عم بتموت شوي شوي والناس بتتمخسر على الي بيحكي مصطلحات عربية !!

ومتل ما قلت يا أخي (غزو فكري ) حتى صار تغليف فكري ....


حسبنا الله ونعم الوكيل
رد مع اقتباس