عرض مشاركة واحدة
  #1 (permalink)  
قديم 01-25-2009, 01:52 AM
الصورة الرمزية فلسطينية وأفتخر

فلسطينية وأفتخر


______________

من مواضيعــي إبداعاتــي

أوسمــتي

فلسطينية وأفتخر غير متواجد حالياً

الملف الشخصي
رقــــم العضويـــــــــة: 1178
تاريــخ التسجيـــــــل: Apr 2007
الجنــــــــــــــــــــس:
العــــــــــمـــــــــــــر: 24
مكان الإقـــــامـــــــة: قلب ماما =)
مجموع المشاركــات : 9,137  [ ؟ ]
صور الجاليــــــــــــري: 0  [ ؟ ]
النقـاط / قـوة التقـييم: 4797 / 226
مستــوى الســـمعة: فلسطينية وأفتخر has a reputation beyond repute فلسطينية وأفتخر has a reputation beyond repute فلسطينية وأفتخر has a reputation beyond repute فلسطينية وأفتخر has a reputation beyond repute فلسطينية وأفتخر has a reputation beyond repute فلسطينية وأفتخر has a reputation beyond repute فلسطينية وأفتخر has a reputation beyond repute فلسطينية وأفتخر has a reputation beyond repute فلسطينية وأفتخر has a reputation beyond repute فلسطينية وأفتخر has a reputation beyond repute فلسطينية وأفتخر has a reputation beyond repute
آخــــر تواجـــــــــــد: 10-10-2011 [ 11:46 AM ]
برجي : Taurus

دخيل الشعب السوري النقاق



مقال كتير حلو



بالفرح بالزعل....منق
وقت بنكره ولما منحب....منق
لما منكون فاضيين أو حتى مشغولين....منق
صبح ومسا وكل شي عنا بينتسى إلا النق
بالجد وبالمزح..... منق





::: جذور النق:::

(الشاب السوري( شباب وصبايا) منين بيجيبوا هالنق)؟!؟!؟

باختصار بجيب النق من بيتأبوه حبيبي.....لا عن جد عم أحكي ما عمأمزح
فنحن جيل اعتاد على التربية النقاقة...








قوم فيق صارت الساعةستة
تعال اتغدى
جاي جاي
يلا قوم اتغدى
جاي بس دقيقتين
يلا تعال اتغدى....قوم اتغدى هلأ بيبرد الأكل
قوم اتغدى يلا....








وفي السهرة:


تعال تعشا ما تغديت منيح لأنك...
تعال تعشى...ما بدك تتعشى...يلا قوم ع العشا....





::: حكاية نق:::

في سنة البكالوريا: (إيمتى بدي خلص وفوت ع الجامعة بقا (وبيضل بينق وينق وبينسى يدرس.....

في السنة الأولى للجامعة: أووف شو عم حن لأيام المدرسة...إيمتى بدي أتخرج يالله هف لسه كم سنةهفف

بعد التخرج: ييي شومشتاق لرفقاتي بالجامعة وكيف كنا....هفف ياريتنا ما تخرجنا ضاق خلقي من النوم للضهر والطلعات والفرجة عالتلفزيون بدي اشتغل واستقر

بعد الشغل:تضرب هالحياة من البيت للشغل وبعدين بتحكيلك كم تلفون وبتحط راسك وبتنام لتفيق ع الشغل...شو هالعيشة هفف والله شي بملل...حياة بتقصر العمر

خطب بنتبحبها:هففإيمتى بدنا نتزوج ونكون مع بعض ...

أتجوزوا:هفف من هالروتين والله شي بملل شو رأيك نجيب ولد

صار الشب أبوالعيال: لك شو هالبلوة بدي ضل عم زق غراض متل الحمار...هفف ع هالعيشة يرحم أيام كنا راسين....

::: أعزائي الأعضاء كنتم مع مسلسل هفف من بطولة نقاق سوري:::




::: جاي على بالي نق:::

صار النق في حياتنا حالة طبيعية اعتيادية وعفوية....فمن دون أن نقصد ننق

فإذا التقت فتاة بشاب وأحببته( وصار في علاقة) وبدأ روميو زمانه يعمل رجال عليها ويبلش يسألها وين رايحة منين جاية وينقإذا لبست هيك أو إذا ضحكت هيك أو إذا قالت هيك....هنا تبدأ الفتاة بدورها الهام وتقوم بالنق على رأسه( أنا هيك..أنت عم تشك فيني..شو مافي ثقة..أنت عم تحكم على علاقتنا بالنهاية إذا بدك تضل غيور..وعلى إيهي إيهي) ومن كتر نق جوليت على رأس روميو...يقرر روميو يطنش ويعطيها حريتها
وما هي إلا أيام حتى تعود جولييت إلى نقها ولكن بطريقة مختلفة
ليش ما عم تسأل علي...تأخرت اليوم ليش ما دقيتلي تطمن عليي...ما شفته كيف كان عم يطلع فيني....أجاني ميس كول من رقم غريب وما حاولت تعرف مين صاحب الرقم.. شو شايفة ما عاد فرقت معك إذا لبست هل التنورة ) ؟؟؟قلي فهمني شو بدك)!!؟!!!

::: نقاق شرقي:::

شاب شرقي نقاق: أنا بدي امرأة مثقفة ارتبط فيها تفهم عليي شو بحكي وتناقشني فيه ويكون عندها وجهة نظرها يلي تدافع عنها

بعد الزواج من المثقفة والذي لم يستمرأكثر من3 أشهر


الشاب شرقي النقاق: طلعتلي روحي بضل حاطة راسها بالكتاب...لا بهمها طبخ ولا نفخ...بعدين بضل عم تجادلني... وعلى وجهة نظري ووجهة نظرك هديك المرة لسختها كف طيرتلها وجهها كله مو بس وجهة نظرها...هفف أنبدي وحدة حنونة تسايرني

بعد زواجه من الحنونة الذي لم ولن يستمر أكثر من شهرين


الشاب شرقي النقاق: قرفتني حياتي دايماً بالمطبخ وشو ما قلتلها بتقول حاضر.

كيف بدها تربي ولادي على هالشخصية الانهزامية لا بتهش ولا بتنش وحتى لما طلقتها بكيت شوي وما حكيت معي ولاكلمة يا زلمة.....







لك أنا بدي وحدة حلوة ست بتفهم بالاتيكيت....
بعد زواجه من ست الصالون الذي لم ولن يستمر أكثر من شهر
الشاب شرقي النقاق: هفف يا زلمة هلكتني بمصاريف اللبس والمكياج تبعها هالمفزلكة يخرب زبيتها شو فاضية ما في ولا مرة قرأت شي كتاب وشو ما بتحاكيها بتقلك ما بعرف وشو يعني... لك أنا ما بقدر غير عيش مع وحدة مثقفة يا زلمة
ويستمر الشاب شرقي النقاق بالنق إلى أن يأخذ الله أمانته







أجمل ما في الأرواح أنها لاتملك لسان لتنق....أي والله

::: شعب بنق ليوم النق:::

والشعب السوري بشكل عام نقااااااااااااااااق.....

ها ها سألتني ليش لأنو يا أخي نحنا على طول بنقول شوف أوربا ما أحلى شوارعها
شوف العالم شلون.....شوف شوف السير عندهم شوف النظافة ....
شوف........أي شفت(( شبك حبكت معك شوف شوف
ما نحن هون بالبلد لم فرض وضع حزام الأمان للسائقين
قمنا الدنيا وما قعدناها وصرنا نق ونسق
والله بدفع الغرامة وما بحط الحزام...شو بدهون يتحكموا فينا
وقال شو بدهون يقلدوا بلاد برا قال ...!!؟!؟!؟!؟!!



آآآآآآآآآآآآآآآآيـــــــه سكتنا ما عاد نق...

هلأ دوركون لتنقوااااااااااااااااااااااا



وتم بحمد الله مشروع النق الجماعي

وكما نقول ،، شكرا لحسن استماعكم وتعاونكم دخيل الشعب السوري النقاق 30.gif


]odg hgauf hgs,vd hgkrhr


التعديل الأخير تم بواسطة : فلسطينية وأفتخر بتاريخ 01-25-2009 الساعة 01:56 AM. السبب: زياد النق خير
رد مع اقتباس