عرض مشاركة واحدة
  #37 (permalink)  
قديم 01-15-2009, 11:29 AM
الصورة الرمزية نسمة ربيع ...

نسمة ربيع ...


______________

من مواضيعــي إبداعاتــي

أوسمــتي

نسمة ربيع ... غير متواجد حالياً

الملف الشخصي
رقــــم العضويـــــــــة: 18739
تاريــخ التسجيـــــــل: Dec 2008
الجنــــــــــــــــــــس:
العــــــــــمـــــــــــــر: 23
مكان الإقـــــامـــــــة: كوابيس اليقظة .. !
مجموع المشاركــات : 299  [ ؟ ]
صور الجاليــــــــــــري: 0  [ ؟ ]
النقـاط / قـوة التقـييم: 962 / 55
مستــوى الســـمعة: نسمة ربيع ... is a splendid one to behold نسمة ربيع ... is a splendid one to behold نسمة ربيع ... is a splendid one to behold نسمة ربيع ... is a splendid one to behold نسمة ربيع ... is a splendid one to behold نسمة ربيع ... is a splendid one to behold نسمة ربيع ... is a splendid one to behold نسمة ربيع ... is a splendid one to behold
آخــــر تواجـــــــــــد: 10-15-2010 [ 11:40 AM ]
برجي : Pisces

رد: عودوا نساءااا ....كي نعود رجالاااا


ممممممم
بتصور هاد بيتطلب عودة و استجابة من الطرفين
لأنو كل الحقائق انعكست مو بس للنساء لو كنا موضوعيين يعني
يعني انتي شفتي شب عم يشتغل ست بيت ؟؟
ولا شو المقصد بالضبط ؟؟؟
اي انا بقلك انو في شباب قاعدين بالبيت لا شغل ولا مشغلة ويمكن وضحت السبب ببداية الموضوع

بالله هلأ شو دخل هاد بكلامي
طيب ماشي
هلأ ما مننكر انو الطرفين صار فيهم خلل
الرجال صاروا اشباه رجال !!
و النساء صاروا أشباه رجال كمان !!
هي نسبة غالبة
يعني لا تعمم للكلللل
يعني منشوف شب ماشي و عم يتخصور بالشارع لابس ألوان بناتية .. دلع على مياعة و شي مقرف
و لازم سيارة و موبايل و الا ما بصير رجاااال و لازم مشان يزيد الطنبور نغم يكون في بالقصة علكة
و طبعاً لا ننسى بنطلون ابو خصر زاحل ..
lowest
اذا بمدرستي بشوف هيك مناظر
بالشارع
بالحدايق
بكل مكان !!
طبـــــــــعاً كل السلبيات انأخدت من عادات دول غربية فاسدة
لأن العرب و المسلمين ما عندن شي اسمه انصاف رجال

و في شباب والله بينرفع فيهن الراس
رجال عن حق و حقيق بهزو جبال


نروح عالنساء
ما بتشوف كل بنت ماشية مع رفيئتا بالشارع مشية عنتر و البناطلين يلي رح تتفزر .. و لا في بنات بيحطولي طوائي ؟!!
و لا قصات الشعر العجيبة ..
شو بدي ئلك
و لا الصريخ
من ايمتى كانت الفتاة بطبعها الأنثوي اللطيف تصرخ ؟؟
من السيء جداً انو كل واحد يتلبس بطبع التاني
هيك الرجال بتنتفى صفة الرجولة عندهم
و الصبايا بتنتفى صفة الأنوثة عندهم
بتحس في شذوذ و خلل بالفطرة السليمة
من السيء .... انو يصفي الرجل بلا رأي بلا عقل بلا شخصية
لا غيرة .. لا نخوة لا شهامة لا مروءة و كل الصفات يلي ذكرتها بتنفي انو يمتلك هالصفات المعاكسة
وفي متل بيحكي
الرجل بلا رأي .. كمقبض الباب يديره من يشاء بأي وقت يشاء !!؟
و نفس الشي للمرأة
من السيء جداً انو يكون قلبها متصلب
قاسية
بلا عاطفة او فهم او استيعاب للغير

و كمان .. بالمقابل
في بنات رمز للطهر و النقاء و مسلمات من كل هالخرابيش و الصفات الدخيلة على مجتمعنا السوي
فتيات تضج انوثة

اما بالنسبة لعمل المرأة و بطالة الرجل
متل ما ذكرنا لا تعمم بس على صعيد النسبة الغالبة
بطالة الرجل يمكن لسبب اجباري او اي شي ما الها أدنى علاقة برجولته
صح قعدة البيت ما بتليق فيه
بس لو دور و عمل يلي عليه و ما لقى
بتصور ماله ذنب
و مو من العيب ابداً ان يساعد زوجته او امه او اياً كان بأعمال منزلية لو بيعرف
مو يكون واجب فرض بس هيك مساعده
يعني كتر خيره

اما بالنسبة لشغل المرأة
هو مقبول بحالة وحدة فقط
بحالة انها موفية حق بيتها و زوجها و الاهتام و رعاية اطفالها
غير هيك
مرفوض مرفوض مرفوض ..
و كمان يكون كرم اخلاق منها انها تأدي كل واجباتها و بعدين تطلع و تساعد زوجها بمصروف البيت و محافظة على نفسها
مبلا ابو العبد في كتير من هالمثال يلي بساعدوا ازواجن او لهدف معين انساني او شي يكون منطقي و معقول
أما

شغل هيك بس لتقطيع الوقت بلا فائدة
هيك للتسلاية بس
انا بلاقي ماله اي داعي
شي بضر البنت و مو مناسب الها انو شغل هيك عبث بس
لأنو واجبها الأساسي ست بيت ان كان عند اهلها او ببيتها
بس حكينا بتكون الشغلة مقبولة بظروف معينة
و لو كان الشغل مو بالضرورة الكبيرة و بيحتوي على الفائدة
لا بأس بس كمان تحافظ على نفسها من القصص و المشاكل اختلاط للفاضي و المليان
بس لازم تأدي واجبها الرئيس
لأنو في اولويات





بس هون في شي اسمو النسبة الغالبة
تعداد نساء العالم يفوق تعداد الرجال بكتير
انا قريت مرة مقالة انو عملو تعداد دقيق للرجال والنساء
بغرض التخلص من ظاهرة العنوسة
شو رأيك انو طلعت حصة كل شب 40 وحدة لحتى تنتهي العنوسة ؟؟؟؟
طبعا هون صارت النسبة
انو النساء أكتر من الرجال ب 40 ضعف
صح ؟؟؟؟؟
انتي برأيك مافي 5 أضعاف الرجال مسترجلات
أو بالأدق اتخلو عن انوثتهن ؟؟؟؟
بتصور انو هيك وصلتك الفكرة كاملة

مُصر تعمم ...
لأ ما في طبعاً هالنسبة الهائلة
مممممممم
بتعرف شو حلو حظكن لك شو بدكن احسن لسا
هيك كل واحد عنده 40 وحدة
ياي
انتو من وحدة طائئ عرئ جنانكون هههه


يعني
عودوا نساءً كي يعودوا رجالاً !!
و عودوا رجالاً كي نعود نساءً !!

طيب انا موافق وما بتوقع انو في رجل رح يرفض
اتفضلو عودوا نساء


ههههههه الله يزيد فضلك
والله يا سيد أنا فتاة أنثى .. بس الدور عالمسترجلات .. بلشوا انتو بلكي هن بيتشجعوا !!؟


و لو بدي علق على الموضوع بشكل مباشر فبعتذر لأن تعليقي ما رح ينتهي

ههههههههههههه
وانا بهمني جدا انو تعبري عن وجهة نظرك كاملة وتعطينا رأيك بالموضوع
رؤوس الأقلام كافية لهلاء
بدي أسباب مباشرة
ونقاش بتوسع بتوضحي فيه شو وجهة نظرك تماما


بتصور كافي يلي حكيته


أبدعت أبو العبد في الموضوع او في الردود و أتقنت إدارة الحوار ،،
في كل شيء
و المشاركين يخزي العين .. يعني أتحفونا ..

لكم جميعاً فائق الاحترام

و السلاااام عليكم ..
رد مع اقتباس