عرض مشاركة واحدة
  #1 (permalink)  
قديم 11-23-2008, 12:44 PM
الصورة الرمزية ضياء الفجر

ضياء الفجر


______________

من مواضيعــي إبداعاتــي

أوسمــتي

ضياء الفجر غير متواجد حالياً

الملف الشخصي
رقــــم العضويـــــــــة: 5290
تاريــخ التسجيـــــــل: Aug 2007
الجنــــــــــــــــــــس:
العــــــــــمـــــــــــــر: 30
مكان الإقـــــامـــــــة: مصر
مجموع المشاركــات : 1,558  [ ؟ ]
صور الجاليــــــــــــري: 0  [ ؟ ]
النقـاط / قـوة التقـييم: 5213 / 157
مستــوى الســـمعة: ضياء الفجر has a reputation beyond repute ضياء الفجر has a reputation beyond repute ضياء الفجر has a reputation beyond repute ضياء الفجر has a reputation beyond repute ضياء الفجر has a reputation beyond repute ضياء الفجر has a reputation beyond repute ضياء الفجر has a reputation beyond repute ضياء الفجر has a reputation beyond repute ضياء الفجر has a reputation beyond repute ضياء الفجر has a reputation beyond repute ضياء الفجر has a reputation beyond repute
آخــــر تواجـــــــــــد: 08-08-2012 [ 11:51 AM ]
إرسال رسالة عبر مراسل Yahoo إلى ضياء الفجر

حالتك النفسية عاملة ايه ؟؟؟


عبد الله: أهلااااااااااا، ازيك يا محمود
محمود: كويس الحمد لله
عبد الله: ايه مالك؟ شكلك مش عاجبني!
محمود: لا أبدا، بس متضايق شوية
عبد الله: ايه خير؟ متضايق من ايه؟
محمود: مش عارف بالظبط، حالتي النفسية تعبانة، ومخنوق ومتضايق من كل حاجة
ده كان حوار عادي جدا بيحصل الايام دي كتير أوي…

في الوقت الحالي، كتير من الناس سواء كبار أو شباب تعبانين نفسيا للأسف

وفي السلسلة دي إن شاء الله هنبدأ نتناول الموضوع ده بشكل جديد وبالتفصيل بحيث نحاول نقضي على المشكلة دي اللي أصبحت تواجه فئة كبيرة من الناس

السلسلة اسمها

حالتك النفسية عاملة ايه؟

بس قبل ما نبدأ نقول كلمة، فيه مقدمة مهمة جدا جدا جدا

دلوقتي الشخص اللي هيقرأ السلسلة دي واحد من اتنين
1- شخص طبيعي، سواء متضايق أو مش متضايق، لكنه طبيعي مش مريض
2- شخص مصاب بمرض الاكتئاب (مهما كانت شدة المرض أو ضعفه)

مبدئيا … السلسلة دي معمولة للنوعين دول

فلو انت من النوع الأول، فاحمد ربنا على العافية أول حاجة، وبعدين خليك معايا لأن السلسلة هتكون نوع من الوقاية وفي نفس الوقت هتكتشف معاني جديدة في التعامل مع نفسك ومع مشاكلك بحيث تجتنب أي ضيق أو زهق أو اكتئاب
أما لو كنت من النوع التاني، فربنا يشفيك ويعافيك أولا، وثانيا.. السلسلة دي هتساعدك جدا جدا إن شاء الله في مقاومة المرض بحيث نتفادى أي تطور سىء في المرض

وبالله عليك خليك معايا سواء كنت من النوع الاول أو التاني…

دلوقتي محتاجين نتكلم شوية في نقطة المرض
طب وليه نتكلم عن المرض؟
لأن مرض الاكتئاب ساعات كتير بيكون خفي جدا، ومع الوقت (ممكن سنة أو أكتر) بيزيد مع الشخص لغاية ما يدمر حياته
وبعد ما تحصل المشاكل ويلف ويدور حوالين نفسه ويبقى مش عارف يعمل ايه، يبدأ الإنسان يفوق ويتعالج نفسيا
طب ما كان من الأول يابن الحلال!

فعايزين نتعرف على المرض من باب: عرفت الشر لا للشر ولكن لتوقيه

الأول لازم نعرف إن المرض النفسي مرض عادي خالص زي نزلة البرد مثلا
مجرد مشكلة حصلت مع شخص وهو ما عرفش يتعامل معاها بالشكل المطلوب فأثرت في نفسيته
ومع شدة التأثير حصل مرض
والمرض بيكون ليه تأثير بيولوجي على بعض وظائف الجسم، عشان كدة بيحتاج تدخل طبي

phgj; hgktsdm uhlgm hdi ???

رد مع اقتباس